Qozog‘istonning Aqto‘be viloyatida, “Samara—Chimkent” yo‘lining 946-kilometrida 22-iyun kuni ikki qavatli Mercedes avtobusining ag‘darilib ketishi oqibatida 52 kishi, xususan, 50 nafar O‘zbekiston fuqarosi jabrlandi. Bu haqda O‘zbekiston TIV matbuot xizmati xabar bermoqda.
Dastlabki ma’lumotlarga ko‘ra, hodisa oqibatida 9 kishi halok bo‘lgan (halok bo‘lganlarning ro‘yxati TIV tomonidan e’lon qilindi), 18 kishi turli darajada tan jarohati olgan (ularning 17 nafari O‘zbekiston fuqarosi).
Jabrlanuvchilarga Aqto‘be viloyati Aytekebiy tuman “Komsomol” posyolkasida tibbiy yordam ko‘rsatilmoqda, yengil jarohatlangan fuqarolar esa ruhiy qayta tiklash jarayonidan o‘tmoqda.
Hodisa oqibatida Qozog‘istonning Aqto‘be viloyati Favqulodda vaziyatlar departamentida maxsus aloqa telefonlari ochilgan: +7 713-256-29-62. Shuningdek, Aqto‘be viloyati hokimligi tomonidan tuman kasalxonasi qabulxonasi telefon raqami taqdim etilgan: +7 713-392-14-97.
O‘zbekiston Tashqi ishlar vazirligi Aqto‘bedagi avariya oqibatida kasalxonaga yotqizilgan besh nafar o‘zbekistonlikning ismlarini e’lon qildi:
- Xolmatov Islomjon Odimovich, 30.05.1981-yilda tug‘ilgan
- Tog‘ayev Ismoil Abdullayevich, 01.03.1980-yilda tug‘ilgan
- Nosirov G‘ulomjon Abdujabbarovich, 25.09.1980-yilda tug‘ilgan
- Xo‘jayev Shermonat Hurmonotovich, 02.03.1988-yilda tug‘ilgan
- Nasipov Olimjon Abdixolidovich, 12.11.1977-yilda tug‘ilgan
Izoh (0)