Yevroittifoqning kimyoviy moddalar ishlab chiqarish va aylanmasi bo‘yicha rasmiy organi bo‘lgan Yevropa kimyo agentligi (European chemicals agency) bisfenol A moddasini xavfli toksin deb topdi. Bu haqda “TASS” xabar bermoqda.
Agentlik mutaxassislari toksin insonning endokrin va reproduktiv tizimlariga salbiy ta’sir ko‘rsatishi, saraton, qand kasalliklari rivojlanishiga turtki berishi, tahsil olish qobiliyatini pasaytirishini tan oldi.
Mazkur birikma plastmassalar, jumladan, bolalar shisha idishi, choynaklar, CD va DVD-disklar, yegulik uchun konteynerlar, sport jihozlari, maishiy texnika ishlab chiqarishda foydalaniladi.
Agentlik vakillari dunyoda eng ko‘p sotiladigan kimyoviy modda bo‘lgan bisfenol A taqiqlanishiga va’da bermasliklari, balki uni cheklash choralarini ko‘rish tavsiya etilishini ma’lum qildi.
Izoh (0)