Qirg‘iziston oxirgi yillarda 20 mingga yaqin qochoqni qabul qildi. Bu haqda BMT qochoqlar ishi bo‘yicha oliy komissari boshqarmasining mamlakatdagi vakili Gulsina Karimova ma’lum qildi, deya xabar beradi K-News.
Boshqarma ma’lumotlariga ko‘ra, Qirg‘iziston Markaziy Osiyoda qochoqlar soni bo‘yicha 3-o‘rinni egallab turibdi.
Joriy yil 1-yanvar holatiga Tojikistonda 2729, Qozog‘istonda 653, Qirg‘izistonda 339, Turkmaniston va O‘zbekistonda 27 nafardan qochoq qayd etildi.
“Ko‘plab qochoqlar Afg‘onistondan kelmoqda, shuningdek, urush avj olgan yillari Tojikistondan ham odamlarning katta oqimi kelgandi. Hozirda Afg‘onistonning 106 nafar, Suriyaning 56 nafar fuqarosiga boshpana berilgan”, — dedi Gulsina Karimova.
Izoh (0)