Parijdagi Yelisey maydonida 19-iyun, dushanba kuni jandarmlarga hujum uyushtirgan shaxs bundan avval IShIDga sodiqlikka qasamyod qilingan yozma vasiyat qoldirgan. Bu haqda “TASS” xabar bermoqda.
BFM TV telekanaliga ko‘ra, terakt amalga oshirishdan avval jinoyatchi qarindoshiga yetkazilishi mo‘ljallangan vasiyat qoldirgan. Unda u go‘yo IShID yetakchisi Abu Bakr al-Bag‘dodiyga sodiqlikka ahd qilganini bildirgan. Maktubni terrorchining kvartirasida o‘tkazilgan tintuv chog‘ida tergovchilar topib oldi.
19-iyun, dushanba kuni fransuz Adam B. Yelisey maydonida o‘z mashinasida politsiyachilar avtobusiga kelib urildi. Bundan oldin u o‘qotar qurol uchun o‘q-dorilar va 2 ta maishiy gaz balloni bo‘lgan avtomobil saloniga o‘t qo‘yadi.
Portlash sodir bo‘lmadi, hujum uyushtirgan shaxs kuyish jarohatlari va bo‘g‘ilishdan vafot etdi. Mashinadan Kalashnikov avtomati va ikki to‘pponcha topildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)