AQSh rahbarligidagi xalqaro koalitsiya 20-iyun, seshanba kuni IShID terrorchilik guruhining “oliy muftiy”si Turkiy Al-Bin-ali yo‘q qilinganini e’lon qildi. Bu haqda “RIA Novosti” xabar bermoqda.
“Koalitsiya kuchlari 31-may kuni Suriyaning Mayadin shahridagi bombardimonlar natijasida IShIDning ‘oliy muftiy’si Turkiy Al-Bin-alini yo‘q qildi”, — deyiladi xabarda.
Unda aytilishicha, Al-Bin-ali “chet ellik jangarilarni tanlab olishda va butun dunyo bo‘ylab teraktlarni keltirib chiqarishda bosh rolni o‘ynagan”. Ta’kidlanganidek, “IShIDning bosh ruhoniysi sifatida u 2014-yildan buyon qotillik va boshqa vahshiyliklarni amalga oshirishga undash maqsadida targ‘ibot olib borgan, ‘xalifalik’ yaratishni qonuniylashtirishga intilgan va IShID boshlig‘i al-Bag‘dodiyning yaqin ishonchli odami bo‘lgan”.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)