Париждаги Елисей майдонида 19 июнь, душанба куни жандармларга ҳужум уюштирган шахс бундан аввал ИШИДга содиқликка қасамёд қилинган ёзма васият қолдирган. Бу ҳақда «ТАСС» хабар бермоқда.
BFM TV телеканалига кўра, теракт амалга оширишдан аввал жиноятчи қариндошига етказилиши мўлжалланган васият қолдирган. Унда у гўё ИШИД етакчиси Абу Бакр ал-Бағдодийга содиқликка аҳд қилганини билдирган. Мактубни террорчининг квартирасида ўтказилган тинтув чоғида терговчилар топиб олди.
19 июнь, душанба куни француз Адам Б. Елисей майдонида ўз машинасида полициячилар автобусига келиб урилди. Бундан олдин у ўқотар қурол учун ўқ-дорилар ва 2 та маиший газ баллони бўлган автомобиль салонига ўт қўяди.
Портлаш содир бўлмади, ҳужум уюштирган шахс куйиш жароҳатлари ва бўғилишдан вафот этди. Машинадан Калашников автомати ва икки тўппонча топилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)