Америка маъмурияти Пхеньян аввалроқ КХДРда жазога ҳукм қилинган уч нафар АҚШ фуқаросини озод этишини талаб қилади. Бу ҳақда давлат котиби Рекс Тиллерсоннинг ёзма баёнотида айтилади, деб ёзади «ТАСС».
Баёнот 19 июнь, душанба куни ўтган ҳафта КХДРда озод қилинган Oттo Уормбирнинг вафоти муносабати билан эълон қилинди.
«Биз Шимолий Кореяга Oттo Уормбирнинг ҳақсиз равишда қамоққа ҳукм қилингани учун жавобгарлик юклаймиз ва ноқонуний тарзда қўлган олинган қолган уч нафар америкаликнинг озод этилишини талаб қиламиз», — дея таъкидлади Тиллерсон. У 22 ёшли Уормбирнинг ота-онасига ҳамдардлик билдирди.
БМТ маълумотларига кўра, Oттo Уормбир ўтган йилнинг мартидан буён кома ҳолатида бўлган. У қамоқхонада берилган уйқу доридан сўнг комага тушиб қолган. Америкалик шифокорлар тиббий кўриклардан сўнг маълум қилишича, йигит оғир бош суяк-мия шикастланишини бошидан ўтказган.
Америкалик талаба КХДРга қарши қўпорувчилик фаолиятида айбланиб, озодликдан маҳрум этилган эди.
Изоҳ (0)