Dushanbeda Ravon avtomobillarini sotish markazi ochiladi. Bu haqda Asia-Plus xabar bermoqda.
Tojikiston poytaxtiga ikki kunlik tashrif bilan kelgan O‘zbekiston bosh vaziri o‘rinbosari Ulug‘bek Ro‘ziqulov mahalliy hukumatning yuqori martabali mansabdorlari hamrohligida bo‘lajak obyekt quriladigan joyni ko‘zdan kechiradi.
Tarkibiga turli vazirlik va tashkilotlarning 17 nafar vakili hamda 40 nafar tadbirkor kirgan O‘zbekiston delegatsiyasi bugun, 20-iyun kuni savdo-iqtisodiy, investitsiya va boshqa sohalarda muzokaralar olib boradi.
Mazkur muzokaralarda Tojikiston delegatsiyasiga bosh vazirning birinchi o‘rinbosari Davlatali Said boshchilik qiladi. Shuningdek, Dushanbe meri Rustam Emomali bilan uchrashuv ham ko‘zda tutilgan.
21-iyun kuni Dushanbeda o‘zbek-tojik biznes-forumi o‘tkaziladi.
Izoh (0)