“O‘zbekneftgaz” milliy xolding kompaniyasi hamda geologiya va neft-gaz xodimlari kasaba uyushmalarining Respublika kengashi kompaniyaning yangi logotipi va shiorini yaratish bo‘yicha ochiq tanlov e’lon qildi. Bu haqda “Gazeta.uz” xabar bermoqda.
Tanlovda professional kompaniyalar va agentliklar, shuningdek, oddiy fuqarolar ishtirok etishi mumkin. Ishlar ijodkorlik va novatorlik, kompaniya falsafasi, vazifalari va qadriyatlarini ifodalash, g‘oyalar chuqurligi va aniqligi, shuningdek, turli foydalanuvchilarga moslashuvchanlik kabi mezonlar asosida baholanadi. Shior uch tilga moslashtirilgan bo‘lishi kerak: o‘zbek, rus va ingliz.
Tanlov komissiyasi 50 ta eng yaxshi ishni tanlab oladi va finalchilar o‘rtasida ochiq konkurs o‘tkazadi. Tanlov g’olibi yutuq sifatida Chevrolet Spark avtomobilini qo‘lga kiritadi.
Ishlar 21-iyulgacha qabul qilinadi. Tanlov yakunlari 25-avgustga qadar e’lon qilinadi, g‘oliblarni taqdirlash marosimi 30-avgustda bo‘lib o‘tadi.
Izoh (0)