2017-yilning 18-iyun kuni Mirobod tuman IIB xodimlari tomonidan o‘tkazilgan tadbir davomida “Hayot” qahvaxonasi oldida Jamshid Xojiboyev tekshirib ko‘rilganida uning yonidan og‘irligi 118,65 gramm bo‘lgan marixuana giyohvandlik moddasi topildi. Bu haqda Toshkent shahar IIBB matbuot xizmati ma’lum qildi.
Mazkur holat yuzasidan Mirobod tumani IIB huzuridagi Tergov bo‘limi tomonidan O‘zbekiston Respublikasi JKning 276-moddasi 2-qismi “a” bandi (giyohvandlik vositalarini o‘tkazish maqsadini ko‘zlamay, qonunga xilof ravishda ko‘p miqdorda saqlash) alomatlari bilan jinoyat ish qo‘zg‘atilgan.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
Izoh (0)