Yevropa Ittifoqi Google kompaniyasini bozordagi yetakchilik mavqeini suiste’mol qilgani uchun 1 milliard yevro miqdorida jarimaga tortishi mumkin. Bu haqda The Financial Times o‘z manbalariga asoslanib ma’lum qildi, deb xabar berdi “Gazeta.ru”.
Yaqin haftalar ichida Bryussel kompaniyani Google Shopping servisini boshqarishda o‘zining onlayn-qidiruv tizimidagi monopoliyasidan foydalanishda ayblashi mumkin.
Ish bilan tanish ikki manbaning so‘zlariga ko‘ra, talab qilinadigan to‘lov miqdori Intel kompaniyasiga 2009-yilda solingan 1 milliard yevrolik jarimadan yuqoriroq bo‘lishi mumkin.
Mazkur holat yuzasidan Yevropa Komissiyasi hamda Google izoh berishdan bosh tortdi.
Joriy yilning mart oyida Yevropa Ittifoqi Facebook, Google hamda Twitter’ga ular iste’molchilarning huquqlarini buzayotgani uchun jarima bilan tahdid qilgan edi.
Izoh (0)