Tim Kuk birinchi marta Apple’ning avtomobil bozoridagi rejalarini oshkor qildi

Apple korporatsiyasi avval taxmin qilinganidek, Apple logotipi tushirilgan mashinalarni emas, balki haydovchisiz boshqarish texnologiyalarini ishlab chiqishga diqqatini jamlagan. Bu haqda Apple rahbari Tim Kuk Bloomberg nashriga bergan intervyusida aytib o‘tdi, deb yozadi Forbes.

Agentlik ta’kidlashicha, bunday texnologiyalar juda ko‘plab turli maqsadlarda foydalanilishi mumkin.

“Biz e’tiborimizni avtonom tizimlarga qaratyapmiz. Bu biz juda muhim deb hisoblaydigan asosiy texnologiya”, — dedi u.

Tim Kukning fikricha, ushbu texnologiya — sun’iy intellekt sohasidagi “barcha loyihalarning onasi”. “Ehtimol, bu ushbu sohada ishlash mumkin bo‘lgan eng murakkab loyihalardan biri”, — deya tan oldi u.