Joriy yil 15-iyundan e’tiboran Yevroittifoq hududida rouming uchun to‘lovni bekor qilish haqidagi qaror kuchga kirdi. Bu haqda Meduza xabar bermoqda.
Endi tuzilmaga a’zo davlatlar fuqarolari Yevroittifoq bo‘ylab safarlari davomida o‘zlari yashaydigan mamlakatdagi tariflar bo‘yicha qo‘ng‘iroq qilishi, SMS almashishi va internetdan foydalanishi mumkin.
Yevrokomissiya rouming uchun to‘lovni bekor qilish rejasini 2015-yil yozida e’lon qilgandi. Buning uchun zarur oxirgi qonunchilik hujjati shu yil aprel oyida qabul qilindi.
Yevrokomissiya rahbari Jan-Klod Yunker rouming uchun to‘lov bekor qilingan qunni “tarixiy sana” deb atadi.
Izoh (0)