Namanganda yo‘l harakati qoidalarini 82 marta buzgan Lacetti rusumli avtomobil egasiga nisbatan chora ko‘rildi. Bu haqda “Daryo” muxbiri Azizbek Abduvaliyev xabar bermoqda.
Foto: “Daryo” / Madina Nurman
Qoidabuzarliklar asosan tezlikni meʼyoridan oshirish, yo‘l belgilari va svetofor chiroqlariga amal qilmaslik, yo‘lovchilarga yo‘l bermaslikdan iborat bo‘lgan. Jarimalarning umumiy summasi qariyb 33 million so‘mga yetgan, biroq haydovchi tomonidan umuman to‘lanmagan.
MIB viloyat boshqarmasi tomonidan ushbu avtomobilga nisbatan qidiruv eʼlon qilindi va mashina egasining xonadonidan topilib, jarima maydoniga joylashtirildi. Endi to‘plangan qarzdorlik summasi to‘lanmagan taqdirda avtomobil auksion savdolariga chiqariladi.
Izoh (0)