Pekin xalqaro aeroportidan uchishga tayyorlanayotgan Xiamen Air aviakompaniyasi samolyoti yo‘lovchisi qiziqib, avariya holati uchun mo‘ljallangan chiqish joyini ochdi. Bu haqda “RIA Novosti” xabar bermoqda.
Hodisa 12-iyun kuni ro‘y berdi. Pekindan Syameng uchishga tayyorgarlik ko‘rayotgan havo kemasida bortkuzatuvchi yo‘lovchilarga instruktaj o‘tdi va odatiy sharoitda avariya holatlari uchun mo‘ljallangan chiqish joyi tutqichiga tegmaslik lozimligi haqida ogohlantirdi.
Shu payt oyna oldida, 49-qatorda o‘tirgan ayol tutqichni tortib yubordi. Parvozni qoldirish, samolyot bortidagi 113 kishini boshqa reyslarga chiqarishga to‘g‘ri keldi. Politsiya esa ayolni 12 kun muddatga hibsga oldi.
Havo kemasi trapi shikastlanmaganiga qaramay, ta’mirning minimal qiymati 100 ming yuanni (14,7 ming dollar) tashkil etadi. Ekspertlar yo‘lovchi ayol yetkazilgan iqtisodiy zararni ham qoplab berishi kerakligini aytmoqda.
Izoh (0)