Indoneziyada giyohvand moddalar kontrabandasida gumonlanib qolga olingan Surgut fuqarosi Roman Kalashnikov Balidagi qamoqxonada shaxsiy restoranini ochdi, deb xabar berdi “RIA Novosti”.
Indoneziya politsiyasi Kalashnikovni o‘tgan yilning oxirida Bali oroli aeroportida qo‘lga olgan edi, u marixuana kontrabandasida ayblanmoqda. Tergov ma’lumotlariga ko‘ra, Roman tish pastasi idishchalari orqali Nepaldan uch kilogramm gashish olib kelgan.
Surgutda oshpaz bo‘lib ishlagan Kalashnikov, qamoqxonada germaniyalik “hamkasbi” bilan birgalikda shaxsiy restoranini ochdi.
“Boshlanishi yaxshi bo‘ldi. Bir hafta davomida sinov rejimida ishladik. Har kuni 15—20 porsiya mazali taomlarni sotmoqdamiz. Ikkimizning daromadimiz kuniga 500—1000 rublni tashkil qilmoqda”, — deb yozadi Kalashnikov o‘zining “VKontakte”dagi sahifasiga.
Indoneziya prokuraturasining rossiyalik jinoyatchi uchun qancha muddat so‘rashi 19-iyun kuni ma’lum bo‘ladi, sud jarayoni esa iyun oyining oxirlariga mo‘ljallangan.
Izoh (0)