Qirg‘iziston parlamenti respublika prezidenti saylovini 15-oktabrga belgiladi, deb yozadi “Interfaks”. Deputatlar ko‘pchilik ovoz bilan qabul qilgan qarorga muvofiq navbatdagi prezident saylovi 15-oktabrda bo‘lib o‘tadi.
Nashr eslatishicha, avvalroq Qirg‘iziston parlamenti mamlakat prezidenti va parlament deputatlari saylovlari to‘g‘risidagi qonunga o‘zgartirish kiritgan, unga muvofiq, davlat rahbari saylovi o‘tkaziladigan kun noyabrning uchinchi yakshanbasidan oktabrning uchinchi yakshanbasiga ko‘chirilgan edi.
“Bu yil oktabrning uchinchi yakshanbasi 15-sanaga to‘g‘ri kelishi tufayli, saylov kuni ham shu sanaga belgilandi”, — dedi parlament vakili.
Uning so‘zlariga ko‘ra, ovoz berish yakunlari bo‘yicha Qirg‘iziston parlamentining 82 deputati qaror loyihasini yoqlab chiqqan.
Izoh (0)