“Avatar” — tomoshabinlar orasida keng tanilgan va madaniy fenomen darajasiga ko‘tarilgan film. Jeyms Kemeron suratga olgan ushbu kartinada Deyk Salli hikoyasi ko‘rsatiladi. U “avatar” ko‘rinishida Pandora sayyorasiga foydali qazilmalar izlash uchun jo‘nab, mahalliy Na’vi xalqiga duch keladi. Ularni yaxshiroq tushunish va rejasini amalga oshirish maqsadida xalq orasiga kirishga harakat qiladi. Ammo uning rejasi o‘zgaradi, chunki u Pandora sayyorasining mahalliy qizi Neytiriga oshiq bo‘ladi.
“Avatar” avvalo o‘zining estetik go‘zalligi bilan ajralib turadi: Pandora sayyorasining manzaralari juda hayratlanarli. Ertaknamo o‘rmonlar, qoyalar va hayvonot olami film yakunlangach ham tomoshabinning xotirasida muhrlanib qoladi.
Hikoyaning ikkinchi qismi “Avatar: Suv yo‘li” — Deyk, uning rafiqasi va bolalarining hayotiga qaratilgan. Ular xavf ostida qolib, o‘zlarini qutqarish rejasi ustida ishlay boshlashadi. Shu maqsadda ular yangi “Metkayina” qabilasiga borib, himoya izlashadi. Voqealar birinchi film voqealaridan 15 yil o‘tgach sodir bo‘ladi. Endilikda ular suvda yashovchi Na’vilar orasida boshpana topadi. Filmda tasvirlangan suv osti dunyosi esa tomoshabinni sehrlab qo‘yadi.
Uchinchi qismda bizni nima kutmoqda
“Avatar: Olov va kul” filmi 2025-yil 19-dekabrda namoyishga chiqadi. Uchinchi film avvalgi qismlarga qaraganda jiddiyroq va dramatikroq bo‘lishi kutilmoqda. Hikoya “Suv yo‘li” voqealaridan ikki hafta o‘tib boshlanadi. Qahramonlar hali ham Deyk va Neytirining katta o‘g‘li Neteyamning vafotidan chuqur qayg‘uda. Bu yo‘qotish er-xotin orasidagi munosabatlarga putur yetkazdi.
Ma’lum bo‘lishicha, endi Deyk va Neytirining oilasini yangi xavf-xatarlar kutmoqda. Ko‘k tanli odamlar yashaydigan Pandora sayyorasi ularga qarshi yangi dushmanlar tayyorlab qo‘ygan. Bu dushmanlar bosh qahramonlarni ta’qib qilishadi. Ular bu safar olovli “Mankvan” qabilasi bilan to‘qnash keladi. Bu qabila o‘z vaqtida g‘azablangan tabiiy ofat — vulqon bilan yuzma-yuz kelgan va uning oqibatlari og‘ir kechgan. “Mankvan” — Pandora sayyorasidagi yovuzlik timsoli bo‘lib, ular shafqatsiz va adolatsiz harakat qiladilar. Demak, muxlislarni nihoyatda dramatik voqealar kutmoqda.
“Mankvan” qabilasidan tashqari, uchinchi filmda yana bir yangi qabila — “Tlalim” yoki “Shamol savdogarlari” paydo bo‘lishi ma’lum. Bu qabila havo bilan bog‘liq. Bu yerda yashovchi Na’vilar mehribonliklari va yaqinlariga yordam berishga tayyorliklari bilan ajralib turadi va hech qachon hech kimga zarar yetkazmaydi.
“Uchinchi qismda biz ataylab soddalashtirilgan oq-qora, yoki bizning holatda ko‘k-pushti dunyoqarashidan uzoqlashmoqchi edik, ‘barcha odamlar yomon, barcha Na’vilar esa yaxshi’ degan paradigmadan qochishga harakat qildik”, dedi Jeyms Kemeron.
Uning so‘zlariga ko‘ra, uchinchi qismning muhim elementi qahramonlarning rivojlanishi bo‘ladi.
“Biz yangi madaniyatlar, yangi mavjudotlarni ko‘ramiz. Bularning barchasi navbatdagi ‘Avatar’ filmidan kutgan narsalaringizdir, lekin seriyaning asl maqsadi bu filmlari qahramonlar bilan birga yashash, ularga hamroh bo‘lib epik sayohatga chiqishdir. Men tomoshabinlarga hozirgacha suratga olingan eng hayratlanarli suv osti sahnalarini ko‘rsatishni emas, balki qahramonlarning yuragi va ruhiga yetib borishni orzu qilaman. Bu sayohat beshinchi filmgacha davom etadi”, dedi Kemeron.
Film jamoasi va yangi qahramonlar
Avvalgidek, film ustida rejissyor, prodyuser va ssenariy mualliflaridan biri sifatida Jeyms Kemeron ishlamoqda. Biroq aslida “Avatar” ssenariylari ustida butun bir ijodiy guruh ishlagan. Unga “Dengiz yuragida”, “Yura davri dunyosi”, “Maymunlar sayyorasi: Yangi saltanat” va “Armageddon” kabi filmlarning mualliflari ham kirgan.
Bizga allaqachon tanish bo‘lgan aktyorlar o‘z rollariga qaytishadi:
Seм Uortington (Deyk Salli) “Vijdon amri bilan” filmidagi roli bilan mashhur,
Zoi Saldana (Neytiri) — “Galaktika qo‘riqchilari” yulduzi,
Sigurni Uiver (Greys Ogustin) — “Tashqi dunyo” va “Quvuvchilar” filmlaridan tanilgan,
Briten Dalton (Loak) — “Jinoyatni o‘rganish” serialida suratga tushgan,
Jek Chempion (Maylz) — “Qasoskorlar: Yakun” filmidan,
Stiven Lаng (Maylz Kuoritj) — “O‘lim vodiysi” serialidan,
Keyt Uinslet (Ronal) — “Titanik” yulduzi,
Klif Kyortis (Tonovari) — “Yengilmas” serialidagi roli bilan mashhur.
Ushbu aktyorlarning barchasi yangi filmda yana o‘z rollarini ijro etadi.
Yangi aktyorlarsiz ham ish bitmaydi. Ularning orasida Una Chaplin “Taxtlar o‘yini” bor, u asosiy antagonistik rolda — “Mankvan” qabilasi rahbari sifatida namoyon bo‘ladi. Varang — shafqatsiz klan hukmdori bo‘lib, doim foyda izlaydi va ko‘rinishidan juda g‘azablangan va taqdirdan norozi. U Jeyk va Neytiri dushmanlaridan biri bo‘lib, aynan uning bilan ular yuzma-yuz kelishlari kerak bo‘ladi.
Eng sodiq muxlislar uchun bonus: uchinchi qism haqidagi 3 ta asosiy fan nazariyalari
Asosiy qahramonning o‘limi. Ha, hayot bunday holatga tayyorlamagan, lekin afsuski, internetda Jeyk Sallining vafot etishi haqida mish-mishlar tarqalmoqda. “Avatar: Olov va kul” filmida ovozli hikoyachi o‘zi Jeyk emas, balki Jeyk va Neytirining o‘g‘li Lo’ak bo‘ladi. Albatta, aktyorning uchinchi qismdan keyin tark etishi haqida 100 foiz gapirish mumkin emas, ammo qarama-qarshi fikr bildirish ham hali erta. Oldinda to‘rtinchi va beshinchi qismlar bor.
“Mankvan” qabilasi odamlar bilan hamkorlik qiladi. Muxlislar Varangning alangapurkovdan foydalanayotganini payqashdi, bu esa qabila rahbari odamlar bilan tanish va hatto shaxsiy manfaatlari uchun ular bilan hamkorlik qilishi mumkinligini anglatadi.
Eyva — Pandora sayyorasidagi tabiat va Na’vi xalqini boshqaruvchi xudo. Ammo treylerda ko‘rsatilgan Varangni ko‘rib, muxlislar sayyorada boshqa xudolar ham borligi haqidagi nazariyalarni ilgari surmoqda.
Izoh (0)