Qovoqlari sohasidagi qichishish va achishishdan shikoyat qilib shifokorga murojaat etgan hindistonlik ayolning ko‘z soqqasidan yetti santimetr uzunlikdagi qurt topildi, deb yozadi “RIA Novosti”.
Shifokorlar 56 yoshli bemorning ko‘zida dirofilyariy turidagi parazitni aniqladi. Ushbu gelmint fil kasalligini — limfa tugunlari va tomirlarning o‘sib ketishini keltirib chiqarishi mumkin.
Shifokorlar ayolni operatsiya qilishga qaror qildi. Parazitni mahalliy anesteziya ostida atigi o‘n daqiqada olib tashlashdi. Ertasi kuniyoq ayolning ahvoli sezilarli tarzda yaxshilandi. Shifokorlar parazitni takror yuqtirmasligi uchun unga bir qator dorilarni yozib berdi.
Izoh (0)