АҚШ ички хавфсизлик вазирлиги ва Федерал қидирув бюроси (ФҚБ) Шимолий Кореяни 2009 йилдан бери Қўшма Штатлар ҳамда бутун дунёдаги объектларга киберҳужумларни амалга оширишда айблади. Бу ҳақда «ТАСС» хабар бермоқда.
Маълумотларга кўра, ҳужумлар ортида Шимолий Корея ҳукуматининг АҚШ расмийлари Hidden Cobra («Яширин кобра») деб атаётган хакерлар гуруҳи турибди.
«Hidden Cobra аъзолари 2009 йилдан бери фаолият кўрсатиб келмоқда. АҚШ ва бутун дунёдаги ОАВлар, аэрокоинот ва молиявий соҳа, шунингдек, етакчи инфраструктура уларнинг нишони бўлди», — дейилади муассасалар томонидан тарқатилган огоҳлантиришда.
Ҳужжатда Hidden Cobra аъзолари ўз ҳукуматлари ҳарбий ва стратегик мақсадларини илгари суриш учун кибероперацияларга қўл уришда давом этиши таъкидланган.
Изоҳ (0)