Saudiya Arabistoni va Qatarni boshqarayotgan sulolalar bilan bog‘liq bo‘lgan biznesmenlarning boyligi ikki mamlakat o‘rtasidagi diplomatik aloqalarning uzilganiga qaramasdan ko‘paymoqda. Forbes bu holatga e’tibor qaratdi.
2017-yil 5-iyunda to‘rt arab mamlakati, shu jumladan, Bahrayn, Saudiya Arabistoni, Misr va BAA Qatar bilan diplomatik aloqalarni uzdi. Keyinchalik ularga yana bir nechta davlat qo‘shildi.
Bir vaqtning o‘zida Dohaga qarshi sanksiyalar kiritildi. Saudiya Arabistoni Qatar bilan quruqlikdagi chegarani yopdi. Fors ko‘rfazining barcha uch davlati o‘z aviakompaniyalariga, shu jumladan, Saudia, Emirates, Etihad, FlyDubai, Air Arabia va Gulf Air Qatarga parvozlarni taqiqladi. Qatar Airways aviakompaniyasiga Bahrayn, Saudiya Arabistoni ba BAA aeroportlaridan va havo bo‘shlig‘idan foydalanish taqiqlandi.
Agar cheklov uzoq vaqt davom etadigan bo‘lsa, Qatar katta qismi Saudiya Arabistoni chegaralari orqali olib kiriladigan oziq-ovqatni havo yo‘li yoki dengiz portlari orqali olib kelishga majbur bo‘ladi. Bu mamlakatda 2022-yilda bo‘lib o‘tadigan futbol bo‘yicha jahon chempionatiga tayyorgarlik doirasida amalga oshirilayotgan qurilish uchun zarur materillarga ham taalluqli bo‘ladi. Biroq Saudiya Arabistoni va Qatarni boshqaruvchi oilalarning eng boy vakillari boyligiga inqiroz sezilarli ta’sir ko‘rsatmadi. So’nggi kunlarda Qatar va Saudiya Arabistoni to‘rt nafar milliarderining shaxsiy kapitali o‘sgan.
Bir tomondan, qatarlik va saudiyalik milliarderlar AQSh va Yevropada o‘zida birinchi toifa aktivlarini jamlagan diversifikatsiyalangan investitsion portfellarga ega. Ularga inqiroz hech qanday ta’sir qilmagan. Milliarderlarning katta hissasi bo‘lgan mintaqaviy kompaniyalarning qiymati esa inqirozning dastlabki kunlarida pasaydi, keyin esa oshishni boshladi. Investorlar inqirozli vaziyatning uzoqqa cho‘zilmasligiga ishonmoqda.
Izoh (0)