Саудия Арабистони ва Қатарни бошқараётган сулолалар билан боғлиқ бўлган бизнесменларнинг бойлиги икки мамлакат ўртасидаги дипломатик алоқаларнинг узилганига қарамасдан кўпаймоқда. Forbes бу ҳолатга эътибор қаратди.
2017 йил 5 июнда тўрт араб мамлакати, шу жумладан, Баҳрайн, Саудия Арабистони, Миср ва БАА Қатар билан дипломатик алоқаларни узди. Кейинчалик уларга яна бир нечта давлат қўшилди.
Бир вақтнинг ўзида Доҳага қарши санкциялар киритилди. Саудия Арабистони Қатар билан қуруқликдаги чегарани ёпди. Форс кўрфазининг барча уч давлати ўз авиакомпанияларига, шу жумладан, Saudia, Emirates, Etihad, FlyDubai, Air Arabia ва Gulf Air Қатарга парвозларни тақиқлади. Qatar Airways авиакомпаниясига Баҳрайн, Саудия Арабистони ва БАА аэропортларидан ва ҳаво бўшлиғидан фойдаланиш тақиқланди.
Агар чеклов узоқ вақт давом этадиган бўлса, Қатар катта қисми Саудия Арабистони чегаралари орқали олиб кириладиган озиқ-овқатни ҳаво йўли ёки денгиз портлари орқали олиб келишга мажбур бўлади. Бу мамлакатда 2022 йилда бўлиб ўтадиган футбол бўйича жаҳон чемпионатига тайёргарлик доирасида амалга оширилаётган қурилиш учун зарур материлларга ҳам тааллуқли бўлади. Бироқ Саудия Арабистони ва Қатарни бошқарувчи оилаларнинг энг бой вакиллари бойлигига инқироз сезиларли таъсир кўрсатмади. Сўнгги кунларда Қатар ва Саудия Арабистони тўрт нафар миллиардерининг шахсий капитали ўсган.
Бир томондан, қатарлик ва саудиялик миллиардерлар АҚШ ва Европада ўзида биринчи тоифа активларини жамлаган диверсификацияланган инвестицион портфелларга эга. Уларга инқироз ҳеч қандай таъсир қилмаган. Миллиардерларнинг катта ҳиссаси бўлган минтақавий компанияларнинг қиймати эса инқирознинг дастлабки кунларида пасайди, кейин эса ошишни бошлади. Инвесторлар инқирозли вазиятнинг узоққа чўзилмаслигига ишонмоқда.
Изоҳ (0)