Toshkent viloyati Yuqori Chirchiq tumanida 30 dan ortiq fuqaroning ishonchiga kirib, firibgarlik yo‘li bilan mol-mulkini qo‘lga kiritgan shaxs qo‘lga olindi. Bu haqda Toshkent viloyat IIBda 8-iyunda bo‘lib o‘tgan brifingda ma’lum qilindi.
2016 yil may oyida Samarqand viloyati Ishtihon tumanida yashovchi 1985-yilda tug‘ilgan Bunyod Xolbekov o‘zgalar mol-mulkini aldash va ishonchiga kirib, suiiste’mol qilish yo‘li bilan egallash maqsadida Yuqori Chirchiq tumanida yashovchi 10 nafar fuqaroning umumiy qiymati 72 375 000 so‘m bo‘lgan 13 bosh qoramolini sotib yuborgan. U qoramollarning egalariga pullarni bir oy ichida qaytarishga va’da bergan, biroq pullarni o‘zining ehtiyojlari uchun ishlatib yuborib, firibgarlik jinoyatini sodir etgan. Bundan tashqari, u boshqa fuqarolarning ham mol-mulkini shu tariqa o‘zlashtirgan.
Hozirgi kunda Bunyod Xolbekovga nisbatan O‘zbekiston Respublikasi Jinoyat Kodeksining 168-moddasi 3-qismi “a” bandi bilan ayb e’lon qilinib, tergov harakatlari olib borilmoqda.
Izoh (0)