Andijonda oilaviy hamda ko‘p tarmoqli poliklinikalarga maxsus jihozlangan 25 ta Damas avtomashinasi topshirildi. Bu haqda O‘zA xabar berdi.
Andijon shahridagi 8 ta oilaviy poliklinika, tuman va shaharlardagi 17 ta ko‘p tarmoqli markaziy poliklinikaga Damas rusumli maxsus jihozlangan zamonaviy ambulans avtomashinalari Prezident sovg‘asi sifatida topshirildi.
—Tibbiyot muassasalari moddiy-texnik bazasini yanada mustahkamlashga qaratilayotgan alohida e’tibor samara bermoqda, — deydi Andijon shahridagi 3-oilaviy poliklinika mudirasi Muharram Rahmonova. — Taqdim etilgan yangi avtomobillar aholi salomatligini muhofaza qilish, tibbiy xizmat sifati va samaradorligini oshirish borasidagi ishlarni yanada yuqori bosqichga ko‘tarishga xizmat qiladi.
Izoh (0)