Тошкент вилояти Юқори Чирчиқ туманида 30 дан ортиқ фуқаронинг ишончига кириб, фирибгарлик йўли билан мол-мулкини қўлга киритган шахс қўлга олинди. Бу ҳақда Тошкент вилоят ИИБда 8 июнда бўлиб ўтган брифингда маълум қилинди.
2016 йил май ойида Самарқанд вилояти Иштиҳон туманида яшовчи 1985 йилда туғилган Бунёд Холбеков ўзгалар мол-мулкини алдаш ва ишончига кириб, суиистеъмол қилиш йўли билан эгаллаш мақсадида Юқори Чирчиқ туманида яшовчи 10 нафар фуқаронинг умумий қиймати 72 375 000 сўм бўлган 13 бош қорамолини сотиб юборган. У қорамолларнинг эгаларига пулларни бир ой ичида қайтаришга ваъда берган, бироқ пулларни ўзининг эҳтиёжлари учун ишлатиб юбориб, фирибгарлик жиноятини содир этган. Бундан ташқари, у бошқа фуқароларнинг ҳам мол-мулкини шу тариқа ўзлаштирган.
Ҳозирги кунда Бунёд Холбековга нисбатан Ўзбекистон Республикаси Жиноят Кодексининг 168-моддаси 3-қисми «а» банди билан айб эълон қилиниб, тергов ҳаракатлари олиб борилмоқда.
Изоҳ (0)