Donald Trampning mashhurlik reytingi Bill Klintonda bo‘lganidan kam emas. AQShning ikki prezidenti faoliyatining 138-kunidagi taassurotlarni solishtirgan Newsweek shunday xulosaga keldi, deya xabar beradi “TASS”.
Amaldagi davlat rahbarida prezidentlikning shu kuni qo‘llab-quvvatlash darajasi hatto Klintondan yaxshiroq bo‘ldi — 39 va 37 foiz.
Gallup xizmati ma’lumotlariga tayanadigan bo‘lsa, siyosatchilar bir tekisda ketmoqda: ikkisi haqida ham 37 foizdan ijobiy fikr bildirilgan.
Biroq aksilreytingga, ya’ni faoliyati haqidagi salbiy fikrlarga kelganda, Trampda bu borada ahvol chatoq. Uning siyosatini ma’qullamaydiganlar 57 foizni tashkil etmoqda. Bill Klintonda esa bu ko‘rsatkich 49 foizdan iborat bo‘lgandi.
Izoh (0)