Yetakchi arab davlatlari Qatar bilan diplomatik aloqalarni tiklash uchun bajarilishi lozim bo‘lgan talablar ro‘yxatini tuzmoqda. Bu haqda “TASS” xabar bermoqda.
Aytilishicha, Saudiya Arabistoni, BAA, Misr va ularning ittifoqchilari Qatar hukumati ekstremistik tashkilotlarni moliyalashtirilishi to‘xtatilishining kafolatlariga ega bo‘lmoqchi. Jumladan, Qatar “Musulmon birodarlar” uyushmasi bilan aloqalarini uzishi talab etilmoqda.
Nihoyat, Qatarga Al Jazeera telekanali faoliyati miqyosini jiddiy tarzda qisqartirish tavsiya etilmoqda.
Muqaddam qator arab davlatlari Qatar bilan diplomatik aloqalarni uzdi. Ular qatoriga boshqa davlatlar qo‘shilib bormoqda. Jumladan, Saudiya Arabistoni, Bahrayn, Misr, BAA, Yaman, Liviya, Maldiv orollari, Mavrikiy va Komor orollari Qatar bilan diplomatik aloqalarini uzgan edi. Senegal maslahatlashuvlar uchun Qatardagi elchisini chaqirib oldi. O‘z navbatida, Qatar arab davlatlarining diplomatik aloqalarni uzish haqidagi qarorini noo‘rin deb baholadi. Qatarga qarshi sanksiyalar joriy etilish ehtimoli mamlakat aholisini oziq-ovqat zaxiralarini to‘ldirishga majbur qilmoqda.
Bundan tashqari, Eron Qatarga o‘z havo hududida parvozlar amalga oshirishga ruxsat berdi.
Izoh (0)