Qatar aholisi taqchillik kutilayotgani bois suv va oziq-ovqat mahsulotlarini sotib olmoqda

Qatar aholisi shoshilinch ravishda oziq-ovqat mahsulotlari va suv zaxiralarini to‘ldirmoqda. Qo‘shni davlatlar bilan munosabatlari buzilganidan so‘ng taqchillik yuzaga kelish xavfi bunga sabab bo‘lmoqda, deb xabar beradi “RIA Novosti”.

“Aholi yaqin atrofdagi barcha baqqollik do‘konlariga va supermarketlarga o‘zini urib, sut, suv, guruch, tuxum sotib olmoqda. Do‘konlardagi mahsulotlar mashinalarga to‘ldirib olib chiqilmoqda, rastalar bir necha daqiqada bo‘shamoqda. Saudiya Arabistoni bilan chegaralar yopilishi haqidagi xabarlar bunga sabab bo‘lmoqda”, — deyiladi guvohlarning xabarida.

Mamlakatga oziq-ovqat mahsulotlarining katta qismi Saudiya Arabistonidan kirib kelar edi.

Eslatib o‘tamiz, Saudiya Arabistoni, Bahrayn, Misr, BAA, Yaman, Liviya va Maldiv orollari Qatar bilan diplomatik aloqalarini uzdi.