Yangiyo‘l tumanida istiqomat qiluvchi Nurali Riskulov (ism-shariflar shartli) o‘zini mansabdor shaxs deb tanishtirib, firibgarlik yo‘lini tutdi. Bu haqda Toshkent viloyati IIB matbuot xizmati ma’lum qildi.
U Sherzod Aliyevning ishonchiga kirib, “yer hujjatlarini rasmiylashtirib beraman”, degan bahona bilan 500 AQSh dollari olib ketib, o‘z ehtiyoji uchun ishlatib yubordi.
Nodir Vafoyev esa Zangiota tumanida joylashgan kushxonasida “olti foiz evaziga naqd qilib beraman” deb aldab, Toshkent shahrida yashovchi tadbirkor Bahodir Malikovning 200 million so‘m puli bo‘lgan plastik kartochkasini olib, shu kunga qadar qaytarib bermagan.
Hozirda ularga nisbatan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari olib borilmoqda.
Izoh (0)