Namangan viloyatida qishloq joylarida faoliyat ko‘rsatadigan shifokorlar uchun xizmat uylari qurishga kirishildi. Ulardan biri Yangiqo‘rg‘on tumanining Qorapolvon qishlog‘ida barpo etildi. Bu haqda “Daryo”ga tuman hokimligi axborot xizmati ma’lum qildi.
Qorapolvon QVP binosining orqa tomonida 4 sotix yer ajratilib, barcha qulayliklarga ega bo‘lgan 5 xonali uy foydalanishga topshirildi. Qishloq ahli ham chetda turishni o‘ziga ep ko‘rmadi: hashar yo‘li bilan atrofi betor devor bilan o‘ralib, darvoza qurildi.
Shuningdek, hovlida uzunligi 10 metr, eni 4 metrli issiqxona ham barpo etildi. Ayni paytda bu yerda limon ko‘chatlari va turli ko‘katlar parvarish qilinmoqda.
Uzoq hududdan qatnab ishlovchi shifokor Otamirza Qozoqov yo‘l uchun vaqt va mablag‘ sarflamaslik, eng asosiysi, kunu tun qishloq ahliga tibbiy xizmat ko‘rsatish imkoniga ega bo‘ldi.
Izoh (0)