30-mayning e’tiborga molik yangiliklari — “Daryo”ning kechki dayjestida.
1. Shavkat Mirziyoyev bir qator xorijiy davlatlar bilan imzolangan hujjatlar ijrosi sust bajarilayotgani uchun tegishli mutasaddilarni qattiq tanqid qildi. “Dabdabali raqamlar va balandparvoz hisobotlar” ortidan quvishni to‘xtatish haqida ko‘rsatma berildi.
2. Shavkat Mirziyoyev Rossiya va Shri-Lankaga hamdardlik bildirdi. Shri-Lankada suv toshqinlari oqibatida 190 kishi halok bo‘ldi, Moskvada esa bo‘ron sabab kamida 11 kishi qurbon bo‘ldi.
3. “Nima uchun o‘rnatilgandi-yu, nega olib tashlandi?”. Toshkentliklar yo‘llardagi ajratuvchi to‘siqlarning olib tashlanishi yuzasidan izoh so‘ramoqda.
4. O‘zbekistondagi Fransiya elchixonasi o‘z xodimi Chimyonda paraplanda uchayotib halok bo‘lganini tasdiqladi. Marhum mayor Fransis Deleg tezkor xavfsizlik xizmatining mintaqaviy rahbari bo‘lgan.
5. Ernesto Valverde oldindagi ikki mavsum “Barselona”ga ustozlik qiladigan bo‘ldi. Valverdening o‘zi Bilbaoning “Atletik” klubini tark etgan edi.
Izoh (0)