30 майнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев бир қатор хорижий давлатлар билан имзоланган ҳужжатлар ижроси суст бажарилаётгани учун тегишли мутасаддиларни қаттиқ танқид қилди. «Дабдабали рақамлар ва баландпарвоз ҳисоботлар» ортидан қувишни тўхтатиш ҳақида кўрсатма берилди.
2. Шавкат Мирзиёев Россия ва Шри-Ланкага ҳамдардлик билдирди. Шри-Ланкада сув тошқинлари оқибатида 190 киши ҳалок бўлди, Москвада эса бўрон сабаб камида 11 киши қурбон бўлди.
3. «Нима учун ўрнатилганди-ю, нега олиб ташланди?». Тошкентликлар йўллардаги ажратувчи тўсиқларнинг олиб ташланиши юзасидан изоҳ сўрамоқда.
4. Ўзбекистондаги Франция элчихонаси ўз ходими Чимёнда парапланда учаётиб ҳалок бўлганини тасдиқлади. Марҳум майор Франсис Делег тезкор хавфсизлик хизматининг минтақавий раҳбари бўлган.
5. Эрнесто Вальверде олдиндаги икки мавсум «Барселона»га устозлик қиладиган бўлди. Валверденинг ўзи Бильбаонинг «Атлетик» клубини тарк этган эди.
Изоҳ (0)