O‘zbekiston Respublikasi Prezidenti Shavkat Mirziyoyev Rossiya prezidenti Vladimir Putinga Moskva shahrida yuz bergan kuchli tabiiy ofat oqibatida insonlar halok bo‘lishi munosabati bilan maktub yo‘lladi. Bu haqda O‘zbekiston Tashqi ishlar vazirligi matbuot xizmati xabar bermoqda.
“Samimiy ta’ziyamni qabul qilishingizni hamda qurbon bo‘lganlarning oila a’zolariga va yaqinlariga va jarohatlanganlarga hamdardlik va dalda so‘zlarini yetkazishni so‘rayman”, – deyiladi O‘zbekiston Prezidentining maktubida.
Eslatib o‘tamiz, Moskva shahri va Moskva viloyatida yuz bergan dovul oqibatida 16 kishi halok bo‘ldi, 100 dan ortiq odam shifoxonaga tushdi.
Shahar meri Sergey Sobyaninga ko‘ra, dovul oqibatida halok bo‘lganlarning oilasiga 1 million rubldan tovon to‘lanadi.
Izoh (0)