Russia Today va Sputnik telekanallari jurnalistika standartlariga javob bermaydi, ular g‘iybat va targ‘ibot qurolli hisoblangani sabab Emmanuel Makronning saylovoldi shtabidan akkreditatsiya ololmadi. Bu haqda Fransiyaning yangi prezidenti rossiyalik hamkasbi Vladimir Putin bilan Versalda bo‘lib o‘tgan qo‘shma matbuot anjumani jarayonida ma’lum qildi, deb xabar berdi “Vedomosti”.
Makronga saylovoldi shtabiga rossiyalik jurnalistlar va chet el jurnalistlari bilan aloqa o‘rnatishda “duch kelingan qiyinchiliklar” borasidagi savolni RT France kanali xodimi Kseniya Fyodorova berdi.
“Bizning chet el jurnalistlari bilan aloqalarimiz a’lo darajada, faqat ular rostdan ham haqiqiy jurnalist bo‘lsa”, — deya javob berdi Makron.
Makron Vladimir Putin bilan xalqaro mavzularda, jumladan, Suriyadagi vaziyat bo‘yicha “javob dialogi” uyushtirishga va’da berdi. Shuningdek, Fransiya yetakchisi Putin bilan Ukraina muammosini “hech qanday yon berishlarsiz” muhokama qilishi ta’kidladi.
Makron jamoasi fevral oyida o‘zlarining saylovoldi shtabiga Rossiya tomonidan yo‘naltirilgan kiberhujumlar haqida xabar bergan edi. Makronning “Olg‘a” siyosiy harakatini rahbari Risher Ferran RT va Sputnik tarqatayotgan yolg‘on xabarlardan xavotirda ekanligini bildirdi.
Izoh (0)