Mexikoda jo‘xori va qiyma solib pishiriladigan Meksika milliy taomi — tako yangi jahon rekordini o‘rnatish maqsadida 10 mingdan ortiq porsiyada tayyorlanib xaridorlarga yetkazib berildi, deya xabar qildi “RIA Novosti”.
Erta tongdan 60 nafar oshpaz umumiy og‘irligi 1,2 tonnadan ortiq go‘sht ishlatilgan taomni pishirdi. Shundan so‘ng yetkazib berish bo‘yicha onlayn-servis takoning har birini to‘rt bo‘lakka bo‘lib chiqdi. Ushbu rekord Ginnesning rekordlari kitobining mintaqaviy vakili tomonidan qayd etildi.
10 ming buyurtmani aytilgan manzillariga yetkazish uchun atigi ikki soat kifoya qildi.
Bundan oldingi rekord 2015-yilda Sonora shtatining Ermosilyo shahrida o‘rnatilgan bo‘lib, unda tako uchun 1,1 tonnadan ortiqroq go‘sht sarflangan edi.
Izoh (0)