NATO Liviyada 2011-yilda amalga oshirilgan havo kampaniyasini xato deb hisoblamaydi. Bu haqda alyans bosh kotibi Yens Stoltenberg ma’lum qildi, deya xabar beradi “TASS”.
Stoltenberg Liviyadagi holat uchun javobgarlikni mamlakatni 42 yil boshqargan Muammar Kaddafi tuzumi, liviyaliklarning o‘zi va mamlakatga urushdan so‘ng zarur yordam bermagan xalqaro hamjamiyatga yukladi.
“Liviya davlat tizimlari va institutlarini vayron qilgan shaxs Kaddafi bo‘ladi. Fuqarolik urushi bilan yakunlagan 42 yillik diktatura barcha kuchli davlat institutlari vayron bo‘lishiga olib keldi.
NATO havo kampaniyasini BMTdan aniq mandat olgandan so‘ng boshladi. Bu Arab davlatlari ligasi kabi mintaqaviy tashkilotlar tomonidan qo‘llab-quvvatlandi. Fors ko‘rfazi davlatlari va mintaqaning boshqa mamlakatlari orasida bunda ishtirok etganlar bo‘ldi. Biz BMT mandatini aniq bajardik, aholini himoya qildik. Biz u yerga kirganda Liviya fuqarolik urushi bo‘sag‘asida edi. Suriya misolida bu nima bilan yakunlanishini ko‘rib turibmiz”, — deya ta’kidladi NATO bosh kotibi.
Izoh (0)