Чеченистон раҳбари Рамзан Қодиров Собиқ иттифоқдаги динга қарши кампанияни терроризмга қиёслади, деб ёзади «ТАСС». Унинг фикрича, кампания жамоатчилик орасига нифоқ солган ва «фуқароларнинг диний ҳаётини барбод қилган».
«Динга қарши совет кампаниясини қандайдир даражада терроризмга ҳамда Қуръон ва Пайғамбар (с.а.в.) суннасини нотўғри талқин қилувчиларга қиёслаш мумкин… Бу энди ортда қолди… Ҳозир эса биз ҳуқуқий давлатда яшаяпмиз, Конституциямизда эса динга эътиқод қилиш эркинлиги ёзиб қўйилган», — дея қайд этди Қодиров Telegram’даги каналида.
У диний мулоҳазалар нуқтаи назаридан комсомол бўлмаганини қўшиб қўйди.
«Диний муассасалар тақиқланган, динга эътиқод қилганлик учун ҳибсга олишлар, қувғинлар авж олган эди, фуқароларнинг диний ҳаёти барбод қилинаётган эди… Бу менинг Собиқ иттифоқ аксилдиний кампаниясига қарши болаларча норозилигим бўлган», — деди у.
Изоҳ (0)