Braziliya shimoli—sharqidagi Riu Grandi du Norti shtatida joylashgan “Parnamirim” qamoqxonasidan kamida 91 nafar mahbus qochdi. Bu haqda “TASS” xabar bermoqda.
UOL portaliga ko‘ra, gap shtat tarixidagi eng keng ko‘lamli qochish haqida ketmoqda. Hozirgacha atigi 9 kishini qo‘lga olish va qamoqxonaga qaytarishga muvaffaq bo‘lindi.
Huquq-tartibot idoralarining bildirishicha, qochish qamoqxona devori ostidan qazilgan uzunligi 30 metrli tunnel orqali amalga oshirildi.
Izoh (0)