Moskvada poytaxt transport obyektlarida terakt tayyorlayotgan IShIDning 4 nafar jangarisi qo‘lga olindi. Bu haqda “Gazeta.ru” xabar bermoqda.
Federal xavfsizlik xizmatining ma’lum qilishicha, qo‘lga olingan jangarilar Rossiya va Markaziy Osiyo fuqarolari hisoblanadi.
Tergov ma’lumotlariga ko‘ra, ular qo‘lbola portlash qurilmalari yordamida terakt tayyorlashni rejalashtirgan. Gumonlanuvchilarning harakatini Suriya hududidan turib boshqarishgan.
Rossiya xavfsizlik xizmatlari jangarilar qo‘poruvchilik aktini amalga oshirganidan so‘ng Suriyada IShID tomonida jang qilish uchun ketishni mo‘ljallagan. Hozir maxsus xizmatlar jinoiy ish qo‘zg‘ash masalasini hal etmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)