НАТО Ливияда 2011 йилда амалга оширилган ҳаво кампаниясини хато деб ҳисобламайди. Бу ҳақда альянс бош котиби Йенс Столтенберг маълум қилди, дея хабар беради «ТАСС».
Столтенберг Ливиядаги ҳолат учун жавобгарликни мамлакатни 42 йил бошқарган Муаммар Каддафи тузуми, ливияликларнинг ўзи ва мамлакатга урушдан сўнг зарур ёрдам бермаган халқаро ҳамжамиятга юклади.
«Ливия давлат тизимлари ва институтларини вайрон қилган шахс Каддафи бўлади. Фуқаролик уруши билан якунлаган 42 йиллик диктатура барча кучли давлат институтлари вайрон бўлишига олиб келди.
НАТО ҳаво кампаниясини БМТдан аниқ мандат олгандан сўнг бошлади. Бу Араб давлатлари лигаси каби минтақавий ташкилотлар томонидан қўллаб-қувватланди. Форс кўрфази давлатлари ва минтақанинг бошқа мамлакатлари орасида бунда иштирок этганлар бўлди. Биз БМТ мандатини аниқ бажардик, аҳолини ҳимоя қилдик. Биз у ерга кирганда Ливия фуқаролик уруши бўсағасида эди. Сурия мисолида бу нима билан якунланишини кўриб турибмиз», — дея таъкидлади НАТО бош котиби.
Изоҳ (0)