Ozarbayjon poytaxti Bokuda davom etayotgan “Islom birdamlik o‘yinlari”da O‘zbekiston delegatsiyasi oltinlari sonini 14 taga yetkazib oldi.
18-may — payshanba kuni delegatsiyaning olti sportchisi shohsupaning eng yuqorisidan joy oldi.
Boksning -56 kilogrammgacha bo‘lgan vazn toifasida Abdulhay Shorahmatov, -64 kilogrammacha vaznida Aliyor Noraliyev va -69 kilogrammli sportchilar o‘rtasidagi musobaqasida Bobo-Usmon Baturov barcha raqiblarini mag‘lub etishga muvaffaq bo‘ldi.
Shuningdek, yengil atletikaning balandlikka sakrash musobaqasida Nadiya Dusanova, taekvondoning -74 kilogramm vazn toifasida Nikita Rafalovich hamda para-atletikaning nayza uloqtirish musobaqasida Aleksandr Svechnikov O‘zbekiston delegatsiyasi uchun oltin medallar olib berdi.
Oltin
Boks-56 kg: Abdulhay Shorahmatov-64 kg: Aliyor Noraliyev-69 kg: Bobo-Usmon BaturovYengil atletikaNadiya Dusanova (balandlikka sakrash)
Taekvondo-74 kg: Nikita Rafalovich
Para-atletikaAleksandr Svechnikov (nayza uloqtirish)
18-may kuni Mo‘minjon Abdullayev yunon-rum kurashining 100 kilogrammgacha bo‘lgan sportchilari o‘rtasidagi musobaqasida va Umida Abdullayeva taekvondoning 62 kilogrammgacha bo‘lgan qizlari turnirida kumush medalini qo‘lga kiritdi.
Kumush
Yunun-rum kurashi-100 kg: Mo‘minjon AbdullayevTaekvondo-62 kg: Umida Abdullayeva
Payshanba kuni qo‘lga kiritilgan yagona bronza yengil atletikachi Nigina Sharipovaga tegishli bo‘ldi.
Bronza
Yengil atletikaNigina Sharipova (200 metrga yugurish)
O‘zbekiston terma jamoasi umumjamoa hisobida 4-o‘rinni egallab turibdi. Ayni paytda delegatsiya sportchilari qo‘lga kiritgan oltin medallar soni Eron termasinikidan 2 taga kamroq.
Izoh (0)