Xitoy raisi Si Szinpin Pekindagi uchrashuvda Nursulton Nazarboyevga Suriyadagi vaziyatni izga solishga qo‘shgan hissasi uchun minnatdorlik bildirdi. Bu haqda Qozog‘iston prezidentining matbuot xizmati ma’lum qildi, deb xabar beradi “TASS”.
“Tomonlar mintaqaviy va kiberxavfsizlikni ta’minlash, shuningdek, xalqaro kun tartibidagi dolzarb masalalarni muhokama qildi. Si Szinpin Nursulton Nazarboyevga Qozog‘iston Suriyadagi mojaroni tartibga solishga qo‘shgan hissa uchun minnatdorlik bildirdi”, — deyiladi xabarda.
Matbuot xizmatiga ko‘ra, Xitoy yetakchisi Qozog‘istonga rasmiy tashrif bilan kelishi, ShHT sammiti va “Ekspo-2017” xalqaro ko‘rgazmasida ishtirok etishini tasdiqladi.
Izoh (0)