Germaniyadagi Kyoln/Bonn aeroportida Boeing-737 samolyotining 167 yo‘lovchisi shubhali suhbat sabab parvozga bir necha daqiqa qolganda evakuatsiya qilindi. Bu haqda “TASS”ga tayanib, “Gazeta.ru” xabar berdi.
Politsiya vakillarining so‘zlariga qaraganda, parvozga biroz vaqt qolganida ikki nafar yo‘lovchi samolyot bortini tark etgan va aviakompaniya xodimlariga “salonda eshitgan suhbatlari mazmunidan xavotirda” ekanliklarini bildirgan.
Ular eshitgan suhbatlaridan so‘ng o‘z joylariga qaytishdan bosh tortgan. Suhbat aynan nima haqida ketgani haqida xabar berilmadi.
Yuklar va yo‘lovchilarni tekshirish jarayonida shubhali hech nima topilmadi.
Samolyot Malyorkaga bir necha soatdan so‘ng uchib ketdi.
Izoh (0)