Pxenyan, buning uchun zarur sharoitlar yaratilgan taqdirda, AQSh prezidenti ma’muriyati bilan muloqot o‘rnatishga tayyor. Bu haqda KXDR Tashqi ishlar vazirligining Amerika bilan munosabatlar bo‘limi boshlig‘i Cho Son Xvi ma’lum qildi, deya xabar beradi “RBK”.
Yonhap agentligiga ko‘ra, Cho Son Xvi KXDR delegatsiyasi bilan birgalikda Norvegiya poytaxti Osloda amerikalik nodavlat ekspertlar guruhi bilan maslahatlashuvlarda ishtirok etdi. AQSh delegatsiyasi tarkibida mamlakatning BMT va Rossiyadagi sobiq elchisi Tomas Pikering ham bo‘lgan.
Oldinroq Kyodo agentligi diplomatik doiralardagi manbalarga tayanib, Donald Trampning Shimoliy Koreya yetakchisi Kim Chen In bilan shaxsan uchrashishi sharti KXDRning yadro va raketa dasturi voz kechishi hisoblanishini bildirgandi.
Izoh (0)