Германиядаги Кёльн/Бонн аэропортида Boeing-737 самолётининг 167 йўловчиси шубҳали суҳбат сабаб парвозга бир неча дақиқа қолганда эвакуация қилинди. Бу ҳақда «ТАСС»га таяниб, «Газета.ru» хабар берди.
Полиция вакилларининг сўзларига қараганда, парвозга бироз вақт қолганида икки нафар йўловчи самолёт бортини тарк этган ва авиакомпания ходимларига «салонда эшитган суҳбатлари мазмунидан хавотирда» эканликларини билдирган.
Улар эшитган суҳбатларидан сўнг ўз жойларига қайтишдан бош тортган. Суҳбат айнан нима ҳақида кетгани ҳақида хабар берилмади.
Юклар ва йўловчиларни текшириш жараёнида шубҳали ҳеч нима топилмади.
Самолёт Мальоркага бир неча соатдан сўнг учиб кетди.
Изоҳ (0)