Venesuelada harbiy sudlar hukumatga qarshi norozilik namoyishi o‘tkazishda ishtirok etgan 150 nafardan ortiq odamni qamoq jazosiga mahkum qildi. Bu haqda “Venesuela jinoiy forumi” nodavlat tashkilotining rahbari Gonsalo Imiob ma’lum qildi, deb xabar berdi “Kommersant”.
“Harbiy sud oldida javob bergan fuqarolar soni 237 nafarga yetdi va 155 nafarga yaqini sud tomonidan qamoq jazosiga mahkum etildi”, — deb xabar berdi Imiob Twitter’da. Uning so‘zlariga ko‘ra, namoyishchilarga qarshi o‘tkazilgan sud ishlari inson huquqlarini buzish hisoblanadi.
Ommaviy norozilik mart oyida, prezident Nikolas Maduroni qo‘llab-quvvatlovchi Venesuela Oliy sudi Milliy assambleya (parlament) o‘rniga o‘zini qonunchilik organi deb e’lon qilib, deputatlarni immunitetdan mahrum etish haqida qaror chiqarganda boshlangandi.
Izoh (0)