Rossiya o‘z harbiy xizmatchilarini himoya qilish uchun Suriyaga qo‘shimcha qurol-yarog‘lar, shu jumladan, artilleriya yuborishi mumkin. Bu haqda Rossiya Federatsiya kengashining mudofaa va xavfsizlik qo‘mitasi rahbari Viktor Ozyorov ma’lum qildi, deb yozadi “RIA Novosti”.
Avvalroq Fox News telekanali Rossiya Suriyaga 20 ga yaqin M-30 gaubitsalarini yuborgani haqida xabar qilgan edi. Bunday qurol-yarog‘lar Suriya armiyasida allaqachon bor va Rossiyada ham saqlanib turibdi.
“Men G‘arbdagi hamkasblarimiz tashvishlanishi uchun hech qanday asosni ko‘rmayapman. Rossiya Suriyada terrorizmga qarshi kurash olib bormoqda, boshqa hech kim bilan jang qilish niyatida emas, va agar harbiy xizmatchilarimiz joylashgan joylarni qo‘riqlash uchun artilleriya qismlarimizni kuchaytirish zaruriyati paydo bo‘lsa, bu yerda hech qanday jinoiy narsa yo‘q”, — deya xulosa qildi Ozyorov.
Izoh (0)