AQShning Xaddon-Taunship shahrida (Nyu-Jersi shtati) yashovchi Kreyg Ronkas 15 metr balandlikdagi chiqindixonadan o‘g‘lining telefonini topdi. Bu haqda NBC Philadelphia xabar bermoqda.
Telekanalga ko‘ra, maktab o‘quvchisi Itan tasodifan gadjetni axlat qutisiga tashlab yuboradi. Kreyg maxsus dastur yordamida smartfon qayerdaligini aniqladi: qurilma Kamden shahridagi chiqindixonaga olib ketilgandi.
Ronkas u yerga yo‘l oldi va 15 metrli chiqindixonani titishni boshladi. U telefonni 30 daqiqada topdi. Gadjetga binoyidek ishlayotgani ma’lum bo‘ldi.
Izoh (0)