Noma’lum jinoyatchi Kristofer Vulning salkam 3 million dollar turadigan “Nomsiz 2004” kartinasiga zarar yetkazdi. Hodisani Aspendagi (Kolorado shtati) Opera galereyasi videokuzatish kameralari yozib olgan, deb xabar beradi “RIA Novosti”.
Qora ko‘zoynak va kepkadagi erkak kartinaga yaqinlashdi va ikki bor unga pichoq urdi. Shundan so‘ng orqasiga o‘girilib, galereyani tark etdi.
U binoda jami 15 soniya atrofida bo‘ldi. Erkakni tutish, hatto shaxsini aniqlashga ham muvaffaq bo‘linmadi.
Galereya egasi Gregori Laxmiga ko‘ra, kartina ko‘rgazmalar zalidagi joyida qolgan bo‘lsa-da, deyarli tiklab bo‘lmas holatga kelgan. Uning yordamchisi jinoyatchi Pablo Pikasso va Mark Shagal asarlariga parvo qilmay, aynan Vulning mazkur polotnosi tomon borganini qayd etdi.
https://youtu.be/25rybwl6KUc
Izoh (0)