Riga portiga Kanada qurolli kuchlarining texnikasi va anjomlari yetib keldi, deb yozadi “Korrespondent.net”. Texnika Latviyaga iyun oyida mintaqada NATO kuchlari ishtirokini kengaytirish doirasida keladigan guruhni qo‘llab-quvvatlash uchun zarur.
Yukning bir qismi, shu jumladan, qurilish materiallari turar-joylar va texnikaga xizmat ko‘rsatish binolarini tayyorlash uchun ishlatiladi.
Yaqin kunlar ichida Kanada qurolli kuchlari texnikasi Adaji poligoniga yetkaziladi.
Latviya mudofaa qobiliyatini mustahkamlash maqsadida Kanada boshchiligidagi batalyon darajasidagi NATO ko‘p millatli guruhi iyun oyigacha Latviyaga to‘liq joylashtiriladi. Guruhga mingga yaqin harbiy xizmatchi kiradi.
Izoh (0)